بوتات تليغرام لو مش تستعملها انت مضيع نص حياتك التاني

ادا سمعت بحاجة اسمها تليغرام او راك محملوا ومزال مراكش تستخدم البوت لي كاين فيه صدقني راك تضيع في وقتك.

اليوم راح نشارك معاك بوتات سهلة تقدر تستعلمها في العديد من الامور.

شحال من مرة نشوف ناس تسقسي على خدمة ما او حتى تحمل تطبيق او تحوس على موقع لتقوم بعملية ما وهو يقدر في ثواني يديرها من خلال تليغرام.

1- بوت Colorizerbot بكل بساطة ترسل اليه اي صورة ابيض واسود اصبر ثواني ومبروك عليك صورة ملونة وبجودة رائعة وقابلة للتحميل.

2- بوت IMG Converter أي صورة حايب تحول الصيغة ديالها ابعثها لهدا البوت وثواني تقدر تحول الى اي صيغة تحب.

3- بوت Video Download Bot بيناتنا كاين هدا البوت ونتا تحوس على برنامج للتحميل ؟ ياودي ريح عاقل حوس على البوت هدا ابعثلوا الرابط تع الفيديو ومبروك عليك وبأي صيغة تريد.

4- بوت Yandex.Translate معلش محبيتش تآمن استعمل هدا البوت للترجمة ورجعلي خبر ماراحش نكثر الكلام راح ينسيك في حاجة اسمها ترجمة قوقل.

5- بوت QR generator online بكل بساطة خدمة مجانية تقدر من خلالها انك تنتج كود QR لأي رابط او خدمة او صورة (مليحة للناس لي موالفة دير كوارث في لافيشاج تع الجامعة)

6- بوت AI Background Remover Bot عندك صورة فيها خلفية مزعجة او حايب تنحيلها خلفية بكل بساطة ابعث صورة لهدا البوت وخليه يدبر راسوا 😅